Dagiti Botante

Panagbotos iti Hawaii (Voting in Hawaii)

DAGITI ELEKSION PRIMARIA & HENERAL

Iti tunggal tawen a mabalin a magudua nga awan surokna (even numbered year), angayen ti Estado ti Hawaii ti eleksion primaria iti maikadua a Sabado ti Agosto ken ti eleksion heneral iti umuna a Martes kalpasan ti umuna a Lunes ti Nobiembre. Maangay dagiti eleksion tapno mapili dagiti agtugaw kadagiti opisina a Pederal, Estado, ken County ken mangited iti gundaway tapno mapagbobotosan dagiti nadumaduma a saludsod.

Ang-angayen ti Hawaii ti maysa-a-partido nga eleksion primaria. Ti eleksion primaria ket maysa a proseso ti nominasion a pakapilian dagiti kandidato a mangirepresentar iti bukodda a partido politikal iti eleksion heneral. Sika, ti botante, ti agpili kadagiti kandidato iti partido wenno preperensia politikal a pilim. Ti pilim a partido politikal ken dagiti kandidato ket agtalinaed a sekreto.

No agbotoska iti primaria, masapul a pumilika laeng iti maysa a partido politikal, ken ibotos laeng dagiti kandidato iti babaen dayta a partido politikal. No adda ibotosmo iti ruar dayta pilim a partido politikal wenno mangibotos iti ad-adu ngem iti bilang ti kandidato a maipalubos a para iti dayta a takem, saanto a mairaman a mabilang ti botosmo.

Mabalin nga agbotos amin a botante kadagiti espesial nga awan partidona a takem a mabalin a mairaman iti eleksion primaria para iti Opisina Dagiti Pakaseknan ti Hawaii (Office of Hawaiian Affairs) ken kadagiti opisina ti County (mayor, prosecuting attorney, kameng ti konseho). Mabalin a pilien dagiti botante dagiti kayatda a kandidato para kadagitoy a takem uray pay ania ti pinilida a suportaran a partido politikal.

Iti eleksion heneral, mabalin a pumili dagiti botante manipud kadagiti kandidato a nainominar iti eleksion primaria. Mabalin a botosam ti pilim a kandidato nga addaan wenno awanan iti partido.

Kas nayonna, mabalin a maangay dagiti espesial nga eleksion para kadagiti dadduma a bakante a puesto a saan a mabalin a maigiddan iti eleksion primaria wenno nasional. Awanan ti Hawaii kadagiti probision a para iti panangibotos iti kandidato nga awan ti naganna iti balota (write-in voting) ken saan a mangang-angay iti primaria presidensial.

PANAGBOTOS babaen TI KOREO ITI SAPASAP NGA ESTADO

Mangrugi kadagiti Eleksion inton 2020, maiwayatton dagiti eleksion iti Hawaii babaen ti koreo. Amin a rehistrado a botante iti Estado ti Hawaii ket automatikonto a mapatulodan iti balota babaen ti koreo iti adres nga impanda iti rehistrasionda a kas botante. Awanton ti maituding a presinto a papanam a pagbotosam iti Aldaw ti Eleksion.

Dagiti balota a naaramat a pagbotosan ken mabalin a maisubli babaen ti koreo wenno sika a mismo ti mangited iti lugar a pagipanan nga intuding ti makasakup kenka a Dibision ti Eleksion ti County (County Election Division).

Kas nayonna, maikkan iti pagpilian dagiti botante a mapan agbotos a personal iti maysa a sentro ti pakaserbian ti botante (voter service center). Dagiti sentro a pakaserbian dagiti botante ket idiayada pay ti nanam-ay a panagbotos ti botante iti isu met laeng nga aldaw a panagrehistrona.

REHISTRASION TI BOTANTE

Tapno makabotos kadagiti eleksion iti Pederal, Estado, wenno County, masapul nga agrehistro nga agbotos dagiti kualipikado nga umili.

Dagiti kualipikasion tapno makapagrehistro nga agbotos:

  • Maysa nga umili iti U.S.

Saan a kualipikado dagiti saan a umili iti US, agraman dagiti makipagindeg laeng iti U.S. (U.S. nationals)

  • Residente iti Estado ti Hawaii

Ti residensia wenno pagnaedan nga imbaga ti aplikante ket saan a gapu ta adda iti Estado, no di ket  napataudna ti pagnaedanna iti panggep a mamagbalin iti Hawaii a kas legal a residensiana a karamanna dagiti obligasion ti panagresidensiana.

  • Di nakurkurang ngem sangapulo ket walo (18) ti edadna

Ipalubos ti linteg ti Hawaii dagiti kualipikado a tattao nga isapsapana ti agrehistro no adda sangapulo ket innem (16) ti edadna. Apaman a madanonna ti sangapulo ket walo (18) a tawenna, automatikonto nga agbalin a rehistrado a botante ken mapatulodan iti balota babaen ti koreo.

Makaawatkanto iti naikoreo a pakete ti balota iti di naladladaw ngem:

Eleksion Primaria: Hulio 26, 2022
Eleksion Heneral: Oktubre 21, 2022

Ti nagyan ti maawatmo a pakete ket ti balota, ti pakaipanan ti isublim a balota, ken ti pangisublim a sobre a nabayadanen ti seliona.

Dagiti botante nga addaan iti naisangayan a kasapulan (special needs) ket mabalin nga agkiddaw iti elektroniko a balota babaen ti Aplikasion ti Rehistrasion ti Botante wenno babaen ti panangkontak iti Dagiti Dibision ti Eleksion ti County (County Elections Division).

↑ Agsubli iti ngato



Rehistrasion

Dagiti Kualipikasion

  • Makipagili (sitisen) iti U.S.

Saan a kualipikado dagiti saan a makipagili iti U.S., agraman dagiti U.S. Nationals

  • Residente iti Estado ti Hawaii

Ti residensia nga ibaga ti aplikante ket saan a gapu ta adda iti daytoy nga Estado, no di ket nagun-odna ti residensia gapu ta panggepna a pagbalinen ti Hawaii a legal a residensia wenno    pagnaedanna a kabuyogna dagiti obligasion ti maysa a residente iti daytoy nga Estado.

  • Di nakurkurang ngem sangapulo ket walo (18) ti tawenna

Ti paglintegan iti Hawaii ket ipalubosna kadagiti kualipikado nga indibidual nga agparehistroda a nasapsapa (pre-register) iti edadda a sangapulo ket innem (16). Inton agtawendan iti sangapulo ket walo (18), automatikonton a nakarehistroda.

Dagiti Papel nga Aplikasion ti Rehistrasion ti Botante ket masapul a maisumite iti makasakup kenka a Dibision Dagiti Eleksion ti County (County Elections Division) iti di naladladaw ngem:

Eleksion Primaria: Agosto 3, 2022
Eleksion Heneral: Oktubre 31, 2022

Dagiti botante ket mabalinda ti agparehistro iti ania man nga oras babaen ti panangusarda iti Online a Sistema ti Rehistrasion ti Botante (Online Voter Registration System) wenno mapanda a mismo iti sentro a pakaserbian ti botante (voter service center).

Online a Rehistrasion ti Botante:
Tapno makapagparehistro online, bisitaen ti olvr.hawaii.gov. Masapul a mangitedka iti Lisensia ti Panagmaneho iti Hawaii (Hawaii Driver License) wenno ID ti Estado ti Hawaii (Hawaii State ID), ken ti bukodmo a Numero ti Seguridad Sosial (Social Security Number).

Automatiko a Rehistrasion ti Botante Babaen ti DMV:
Dagiti aplikante ket mabalinda ti agparehistro tapno makabotosda iti Departamento Dagiti Demotor a Lugan wenno Department of Motor Vehicles (DMV) no kasta a kompletuenda ti aplikasion ti lisensia ti panagmaneho wenno ti aplikasionda iti ID ti Estado (State ID). No ti aplikante ket nakapagrehistron nga agbotos, ti naited nga impormasion ket automatiko a maaramat a pangpabaro iti nagan ken/wenno adres malaksid no agkedked ti aplikante.

Ti rehistrasion ti botante ket mairaman met no inka agaplay iti tulong para publiko iti Departamento ti Salun-at ken kadagiti programa ti Departamento Dagiti Serbisio a Para Tattao (Department of Human Services).

Maalam dagiti aplikasion iti online iti www.elections.hawaii.gov ken iti ania man kadagitoy a lugar:

Opisina Dagiti Eleksion
Kadagiti Opisina ti Klerk
Kadagiti Biblioteka ti Estado
Kadagiti Opisina Postal ti U.S.
Kadagiti Ahensia ti Estado
Kadagiti Sanga (Satellite) ti City Hall

Automatiko a Pannakapabaro ti Rehistrasion ti Botante Babaen ti DMV:
Para kadagiti rehistrado a botante a mapan mangkompleto iti aplikasion ti lisensia ti panagmaneho wenno aplikasion ti State ID card iti Departmento Dagiti Demotor a Lugan wenno Department of Motor Vehicles (DMV), ti impormasion a maited ket automatiko a maaramat a pangpabaro iti nagan ken/wenno adres para iti rehistrasion ti botante, malaksid no agkedked ti aplikante.

Isu Met Laeng nga Aldaw a Rehistrasion
Ipaay ti Dibision Dagiti Eleksion ti County (County Elections Divisions) ti isu met laeng nga aldaw a rehistrasion kadagiti sentro a pakaserbian ti botante (voter service centers). Dagiti baro a botante iti Hawaii ket makapagparehistro ken makapagbotosda a mismo no mapanda kadagitoy a sentro. Kasta met a dagiti rehistrado a botante ket mabalinda a pabaruen ti rehistrasionda ken makapagbotosda no mapanda a mismo kadagitoy a sentro.

↑ Agsubli iti ngato



Agparehistro nga Agbotos Babaen ti Online (Register to Vote Online)

Tapno mausarmo ti Panagparehistro Dagiti Botante Babaen ti Online, kasapulam dagiti sumaganad:

Ti agdama nga iggemmo a Lisensia nga Agmaneho iti Hawaii wenno Identification card a naggapu iti Estado ti Hawaii
Ti Numero ti Social Security.

Mangrugi Ditoy iti Panagparehistro Dagiti Botante Babaen ti Online

↑ Agsubli iti ngato



Panagbotos nga Absentee Wenno Saan nga Ipapan iti Lugar a Pagbotosan (Absentee Voting)

Tunggal rehistrado a botante ket automatiko a makaawat iti balota babaen ti koreo iti di naladladaw ngem:

Eleksion Primaria: Hulio 26, 2022
Eleksion Heneral: Oktubre 21, 2022

Ti apidabit nga adda iti Aplikasion ti Rehistrasion ti Botante ket iramanna ti pakaammo para kadagiti botante nga addaan kadagiti naisangayan a kasapulan (special needs) a pangkiddawanda iti elektroniko a balota a maipatulod babaen ti koreo iti tunggal eleksion.

↑ Agsubli iti ngato



Estudiante iti Kolehio (College Student)

Maysaak a residente ti Hawaii, ken…

Agnanaedak iti uneg ti kampus
Mabalinmo ti mangisubmitir iti kiddaw a maipatulodanka iti balota babaen ti koreo (absentee ballot) iti adresmo iti kampus babaen ti panangkompletom iti Aplikasion iti Panagbotos Babaen ti Koreo (Absentee Application).

Sumsumrekak iti eskuela iti sabali nga estado/gangganaet a pagilian
No kalikagumam ti makapagbotos kadagiti eleksion iti Hawaii, mabalinmo ti agkiddaw iti balota a maipatulod kenka iti adresmo iti kolehio babaen ti panangkompletom iti Aplikasion iti Panagbotos Babaen ti Koreo (Absentee Application). Nasken a mangisubmitirka iti kiddaw para iti absentee ballot para iti tunggal eleksion a kaawanmo iti residensiam iti Hawaii.

Nayonam ti ammom maipanggep iti maisapsapa a panagbotos (early voting).

Agnaedak iti sabali nga estado, ken sumsumrekak iti eskuela iti Hawaii. Kayatko ti…

Agbotos kadagiti eleksion iti Hawaii
Bisitaen ti rehistrasion ti botante (voter registration) tapno manayonan ti ammom maipanggep iti no kasano ti agbalin a botante iti Hawaii.

Agbotos kadagiti eleksion iti bukodko a lugar
Kontakem ti Opisina Dagiti Eleksion iti bukodmo a lugar ken no kasano a makaawatka iti balota bayat ti kaaddam iti Hawaii.

Tapno makaalaka iti Sertipiko ti Rehistrasion ti Botante, kontakem ti makasakup kenka nga Opisina ti Klerk (Clerk’s Office).

↑ Agsubli iti ngato



Botante nga Awanan Balay (Houseless Voter)

Panagparehistro Tapno Makabotos

Ti rehistrasion ti botante ket mabalin a babaen ti online, kas paset ti panagaplay iti lisensia ti panagmaneho wenno panangala iti I.D. ti estado (state ID) iti Departamento Dagiti Demotor a Lugan wenno Department of Motor Vehicles (DMV), wenno babaen ti panangkompleto iti Aplikasion ti Rehistrasion ti Botante. Dagiti papel nga aplikasion babaen ti DMV ken Aplikasion ti Rehistrasion ti Botante ket masapul a maisumite iti di naladladaw ngem:

Eleksion Primaria: Agosto 3, 2022
Eleksion Heneral: Oktubre 31, 2022

Dagiti Dibision ti Eleksion ti County (County Elections Divisions) ket ipaayna ti isu met laeng nga aldaw a rehistrasion kaadagiti sentro a pakaserbian ti botante (voter service centers). Dagiti baro a botante iti Hawaii ket mabalinda ti agparehistro ken agbotos no mapanda a a mismo iti lugar. Kasta met a dagiti rehistrado a botante ket mabalinda a pabaruen ti rehistrasionda a kas botante ken agbotos no mapanda a mismo iti lugar.

Panagbotos

Kas rehistrado a botante, maawatmonto ti balotam babaen ti koreo iti di naladladaw ngem:

Eleksion Primaria: Hulio 26, 2022
Eleksion Heneral: Octubre 21, 2022

Ti balota ket automatiko a maipatulod iti adres nga intedmo iti bukodmo a rehistrasion ti botante.

↑ Agsubli iti ngato



Dagiti Militar ken Adda iti Ballasiw-Taaw a Botante (Military and Overseas Voters)

Ti Linteg iti Absentee a Panagbotos Dagiti Nakauniporme ken Makipagili nga Adda iti Ballasiw-Taaw (Uniformed and Overseas Citizens Absentee Voting Act wenno UOCAVA) ket nangparnuay iti espesial a probision a para kadagiti awan (absent) a makipagili nga agserserbi iti military ken dagiti adda iti ballasiw-taaw nga agbotos babaen ti koreo kadagiti eleksion primaria, heneral ken kadagiti espesial nga eleksion a para kadagiti opisina pederal; ken pannakaipalubos dagitoy nga indibidual nga agusar iti federal write-in absentee ballot (FWAB) iti eleksion heneral a para kadagiti opisina pederal.

Asino Dagiti Botante a Sakupen ti UOCAVA?

  • Dagiti nakauniporme nga agserserbi iti Estados Unidos (United States Uniformed Services) ken dagiti marino (merchant marines) ken dagiti kameng ti pamiliada
  • Dagiti makipagili (sitisen) iti Estados Unidos nga agnanaed iti ruar ti Estados

Dagiti botante nga UOCAVA ket makipagili iti Estados Unidos (U.S. Citizens) nga agnaed iti ruar ti U.S. (kayatna a sawen, iti ballasiw-taaw wenno overseas). Kualipikadoda nga umawat iti balota manipud iti estado/county a naudi a nagnaedanda sakbay ti ipapanda iti ballasiw-taaw. Dagiti botante nga UOCAVA a nayanak iti ruar ti U.S. ket kualipikadoda met nga umawat iti balota manipud iti estado/county a naudi a nagnaedan dagiti nagannak kadakuada sakbay a napanda iti ballasiw-taaw.

Dagiti botante nga UOCAVA ket mabalinda ti agparehistro nga agbotos ken agkiddaw iti absentee a balota (absentee ballot) babaen ti panangkompletoda iti Federal Post Card Application (FPCA). Ti nakompleto nga FPCA ken masapul a maawat ti Dibision Dagiti Eleksion ti County (County Elections Division) iti di naladladaw ngem:

Eleksion Primaria: Agosto 3, 2022

Eleksion Heneral: Oktubre 31, 2022

Panagkiddaw iti Balota a Maikoreo (Mail Ballot)
Dagiti agdama a rehistrado a botante ket mabalinda ti agkiddaw para iti absentee ballot wenno mail ballot babaen ti panangkompletoda iti Federal Post Card Application (FPCA). Ti FPCA ket masapul a maawat ti makasakup kadakuada nga Opisina ti Klerk iti di naladladaw ngem pito (7) nga aldaw sakbay ti eleksion.

Eleksion Primaria: Agosto 6, 2022

Eleksion Heneral: Nobiembre 1, 2022

Dagiti nagbotosan wenno naaramat a balota ket masapul a maawat ti Opisina ti Klerk agingga iti panagserra ti panagbotos iti aldaw iti eleksion.

Eleksion Primaria: Agosto 13, 2022

Eleksion Heneral: Nobiembre 8, 2022

Programa Pederal iti Pannakaasistir iti Panagbotos (Federal Voting Assistance Program)Ti Federal Voting Assistance Program (FVAP) ket maysa a programa a mangasistir iti panagbotos dagiti kameng ti serbisio ken dagiti pamiliada ken dagiti makipagili nga adda iti ballasiw-taaw.

Federal Voting Assistance Program

Telepono: 800-438-VOTE (8683)

Email: [email protected]

Website: www.fvap.gov

Dagiti Opisial a Mangasistir iti Panagbotos – Yunit iti Hawaii (Hawaii Unit Voting Assistance Officers)
Dagiti botante a sakupen ti UOCAVA ket mabalinda a kauman ti asino man kadagiti Opisial a Mangasistir iti Panagbotos (Voting Assistance Officers) para iti nayon nga impormasion.

Sanga ti Serbisio Voting Assistance OfficerNumero ti Telepono
Air Force
Hickam AFB
Ms. Agnes Borbely473-4686
Army
Schofield Barracks and Fort Shafter
Mr. Manuel Tagavilla655-5546
Coast GuardMs. Kellie Dean842-2013
Marine Corps
Kaneohe Marine Corps Base
Ms. Deanna Nieves257-8866
Navy
JB Pearl Harbor Hickam
PMRF Barking Sands
LCDR Lena E. Whitehead
Mr. Woldekidan Tegegne
473-4717
335-4732

↑ Agsubli iti ngato



Botante a Makasapul iti Pannakaasistir (Voter Requiring Assistance)

Asino man a botante nga agkasapulan iti tulong tapno makabotos gapu iti rason a pisikal, bisual, adda diperensia ti panagdengngegna, wenno di makabasa wenno makasurat, ket mabalin nga ipaayan iti tulong ti maysa a tao a bukod a pili ti botante, ngem saan a ti employer ti botante, pannakabagi ti employer ti botante, wenno opisial wenno pannakabagi ti union a pagkamengan ti botante.

Rehistrasion ti Botante (Voter Registration)
Ti Pormulario ti Rehistrasion ti Botante ken Permanente a Panagbotos Babaen ti Koreo (Voter Registration and Permanent Absentee Applications) ken Aplikasion ti Absentee a Botante (Absentee Applications) ket mabalin a maala iti bersion daytoy iti Insik, ken Ilokano.

Maiparit ti panagkopia, panagduplikar wenno ania man a panangusar iti ania man nga impormasion a nailanad kadagiti pormulario ti rehistrasion. Kompidensial ti impormasion nga inted ti indibidual iti affidavit para iti rehistrasion.

Kanayon koma a panunoten dagiti karbengan iti panagbotos ti maysa nga indibidual. Liklikan dagiti aramid a nalawag a panangdiskriminar ken panangpilit iti tao nga agparehistro. Agpada dagitoy a maiparit.

Dagiti nakompleto a pormulario ti rehistrasion ti botante ket saanto a kolektaren ti tao wenno ti organisasion a nagiwaras malaksid no adda espesipiko a pammalubos nga inted ti klerk wenno ti hepe nga opisial ti eleksion (chief election officer).

No Agbotos Babaen ti Koreo
No asistiran ti maysa a botante, ti tao a mangipaay iti tulong, masapul nga agtalinaed nga awan pabpaboranna a partido ken masapul nga adda di nakurkurang ngem dua a tao manipud iti aggidiat a partido politikal a siiimatang. Daytoy ti mangpukaw iti ania man a panangipagarup iti kaadda dagiti irregularidad bayat ti panangasistir iti botante.

  • Awan ti asino man a mapalubosan nga agkiddaw iti botante tapno ipakitana ti linaon ti balotana wenno ti pilina a partido.
  • Awan ti asino man a mabalin a mangmarka iti balota ti maysa a tao wenno mangidirihe wenno mangimaton iti panagbotos ti maysa a tao no awan ti pammalubos.
  • Maysa nga illegal nga aramid ti panangpadas nga agbotos iti nagan ti pasiente nga awan ti espesipiko a pammalubos.

No agakem a kas mangibagi iti botante tapno alaem ti balotana (absentee ballot), masapul nga adda surat ti pammalubos manipud iti rehistrado a botante sa maisubmitir iti Klerk.

Iti Lugar a Pagbotosan (At a Voter Service Center)
Amin a lugar a pagbotosan ket matungpalna dagiti rekisito ti Linteg Maipanggep Kadagiti Amerikano nga Addaan iti Disabilidad (Americans with Disabilities Act wenno ADA), ken kaaduanna kadagitoy ti addaan iti nasuro a pagparkingan. Dagiti botante nga agkasapulan iti pannakaasistir ket mabalinda ti agkiddaw iti tulong iti Estasion a Pakaalaan iti Tulong Para iti Botante (Voter Assistance Station) iti ania man a lugar a pagbotosan.

↑ Agsubli iti ngato



Dagiti Botante a Nasentensiaan Gapu iti Krimen (Voters with a Felony Conviction)

Ti maysa a tao a nasentensiaan para iti nadagsen a krimen (felony), manipud iti oras a pannakasentensiana agingga iti pinal a pannakaruk-at daytoy, ket mabalin a saan a makabotos iti eleksion. Ti maysa nga akusado ket mabalin a makabotos bayat ti kaaddana iti probation wenno kondisional a wayawaya wenno bayat nga isuna ket parolado.

Kontakem ti makasakup iti lugaryo nga Opisina ti Klerk (Clerk’s Office) maipanggep kadagiti dokumentasion a kasapulan sakbay ti panagparehistro.

Para iti kompleto nga impormasion, basaen ti Konstitusion ti Estado ti Hawaii Artikulo II, Seksion 2, ken Dagiti Narebisar a Paglintegan ti Hawaii (HRS) §831-2.

↑ Agsubli iti ngato



Dagti Kampania a Para iti Rehistrasion Dagiti Botante (Voter Registration Drives)

Panagkiddaw Kadagiti Materiales
Tapno makakiddaw kadagiti materiales a para iti rehistrasion ti botante, kontaken ti Opisina Dagiti Eleksion (Office of Elections).

Nakasagana koma a mangited kadagiti sumaganad nga impormasion:

  • Nagan
  • Numero ti Telepono
  • Ahensia/Organisasion
  • Adres

Dagiti aplikasion:
Ti apidabit nga adda iti Aplikasion ti Rehistrasion ti Botante ket iramanna ti pakaammo para kadagiti botante nga addaan kadagiti naisangayan a kasapulan (special needs) a pangkiddawanda iti elektroniko a balota a maipatulod babaen ti koreo iti tunggal eleksion.

Panagisubmitir Kadagiti Aplikasion ti Rehistrasion ti Botante
Irekomendarda a dagiti agparehistro ket idatagda a bukbukodda, babaen ti koreo wenno personal, kadagiti nakompleto a pormularioda iti makasakup kadakuada nga Opisina ti Klerk (Clerk’s Office).

Nupay kasta, no ti indibidual ket pilienna nga isubmitir ti pormulariona babaen ti grupo a nangangay iti kampania a para iti rehistrasion, dayta a banag ket addan iti nagbaetan ti indibidual ken ti nasao a grupo.

Para iti kompleto nga impormasion maipanggep iti panagiprinta ken panagduplikar kadagiti aplikasion, basaen ti Pagannurotan Administratibo ti Hawaii (HAR) §§3-172-23 ken 3-174-5.

↑ Agsubli iti ngato